Ek het uiteindelik mayonaise bemeester (na sewe flops!)

Julle, die eerste keer wat ek mayonaise moes maak op chefs-skool, was dit ’n totale flop.

Toe probeer ek weer... en weer... en nóg vyf keer.

Elke keer? ’n Mislukking. Ek het letterlik begin dink ek het ’n mayo-vloek.

Totdat my vriendin Jessy vir my hierdie waterdigte resep gegee het.

Dankie, Tannie Jess! 🙌

Vir die eerste keer in my lewe het ek sonder stres, sonder sweet, en sonder om te bid, perfekte mayonaise gemaak.

En weet julle wat? Jy’t net een ding nodig: ’n dompelmenger (immersion blender).

Gooi jou eier, suurlemoensap, mosterd, knoffel en olie alles saam in die regop houer van jou dompelmenger, sit die menger onder in die mengsel, en… woops! – daar’s jou mayo.

My geheime bestanddeel?

 ’n Klein bietjie sojasous. Dit gee die mayo ’n diep umami-smaak – amper soos Hellmann’s, maar beter.

Die Resep

Bestanddele:

• 1 groot eier

• 1 eetlepel (15 ml) suurlemoensap

• 1 teelepel Dijon mosterd

• 1 knoffelhuisie, fyn gemaal

• 1 koppie (240 ml) canola-olie

• Sout

• ’n Bietjie sojasous

Metode:

1. Plaas al die bestanddele behalwe die olie in jou dompelmenger-houer.

2. Sit die menger onder in die houer, gooi die olie bo-oor.

3. Blitz tot dit dik raak.

4. Voeg nou die sojasous by, en blitz net vinnig weer om dit in te meng.

NB: Jou eier moet kamertemperatuur wees. En die olie maak regtig ’n verskil – moenie daai goedkoop “blended” goed gebruik nie. Canola werk die beste, en dit breek nie die bank nie.

🧂 Na ’n laaaang gesukkel het ek uiteindelik mayonaise bemeester! Dankie Tannie Jessy vir hierdie waterdigte resep. Kyk hieronder vir die resep in Engels – of gaan loer op my blog vir meer Dankie Tannie-kombuisraaisels.

Die video resep: