Die lekkerste hoenderpastei

Deur Marli Mckellar

Gepubliseer 5 November 2025

Opbrengs:

 1 groot pastei

Porsies:

 8

Voorbereidengstyd:

 25 min

Kooktyd:

1 uur

Ek het al soveel pasteie probeer maak, en die vulsel kan nog so lekker wees – maar as die deeg nie reg is nie, verloor die pastei sy magic. Daarom het ek besluit om die resep van onder af te bou. 

Hierdie weergawe is geïnspireer deur Mary Berry, die Tannie wat destyds op bake off was. Ons gebruik ’n suurroom-pasteideeg wat so sag en vlokkerig bak dat jy nooit weer wil teruggaan na ’n gewone deeg nie. Dis die geheime wapen. Die kombinasie van koue botter, suurroom en daardie kort yskas-rus maak ’n merkbare verskil.

Bestanddele:

Suurroom pasteideeg:

200 g koue botter, in blokkies

250 ml (1 koppie) meel

125 ml suurroom

Hoendervulsel

2 groot hoenderborsies

1 groot prei, gesny

250 g sampioene, gesny

2 eetlepels botter

1 skeut olyfolie

1 eetlepel meel

250 ml hoenderaftreksel

125 ml room

Sout & peper

Vars kruie (timiestokkie / pietersielie / salie)

Metode:

Suurroom pasteideeg:

Stap 1

Plaas die koue botter en meel in ’n voedselverwerker en blitz tot dit soos broodkrummels lyk. Voeg die suurroom by en blitz weer totdat dit ’n deeg vorm

Stap 2

Bring dit liggies bymekaar op jou werkoppervlak en laat dit ten minste 20 minute in die yskas rus.

Hoendervulsel

Stap 3

Voorverhit die oond tot 200°C. Geur jou hoender met sout, peper en ’n bietjie olie en braai vir 20 minute

Stap 4

In n groot pan begin dur jou preie in n bietjie olie te braai. Sit eenkant. Smelt dan botter in jou pan— wanneer dit neuterig raak voeg jy die olyfolie by.

Stap 5

Gooi die sampioene in en braai vir 5 minute. Strooi die meel oor en roer vir ’n paar minute. Voeg die preie terug. Roer die warm hoenderaftreksel en room by en laat prut tot die sous verdik.

Stap 6

Sny die hoender op en vou dit saam met vars kruie in die sous. Laat die mengsel heeltemal afkoel.

Stap 7

Rol die deeg 3 mm dun uit. Voer jou tertpan uit en sny ook ’n ronde deeg “deksel”. Blind bake eers die kors.

Stap 8

Vul met die hoendermengsel, seël mooi, smeer met eierwas,Bak dit 20 minute by 200°C. Verlaag dan die hitte na 180°C en bak nog 5–10 minute tot goudbruin en bros.

Download die resep

Tannie Tip: Laat jou hoender oornag in ’n pekelsous (brine) lê vir extra sappigheid. Dis ’n game changer.

Meer resepte