Die Afrikaanse Kos-Bybel: Kook en Geniet

Kook en Geniet -1957

Elke tannie het een – basies die Bybel van Afrikaanse kos.

Ek het ’n obsessie met kookboeke. Ek kan myself nie help in ’n tweedehandse boekwinkel nie. En hierdie oukie is dalk een van die mees ikoniese Afrikaanse kookboeke nóg. Jou ma het een. Jou ouma het een. En dalk ook jy.

Kook en Geniet, sewende uitgawe, gepubliseer in 1957

Die skrywer, Stoffelina Johanna Adriana, was ’n dosent in huiswetenskappe aan die Universiteit van Stellenbosch. Sy het in 1951 die eerste weergawe geskryf. Toe geen uitgewers belangstel nie, het sy dit self gepubliseer . Wat. ’n. Vrou.. Fast forward 73 jaar en meer as ’n miljoen boeke is al verkoop. En natuurlik het die uitgewers lankal besef hulle het ’n fout gemaak.

Hulp van Oregan Staatsuniversiteit in die VSA

Die sewende uitgawe wat ek het, is nog steeds een van die boeke wat sy self uitgegee het!

Ek gaan eerlik wees – my weergawe bevat nog heelwat resepte waarvoor ek nie braaf genoeg is nie. Soos gestopte beeshart, sout jellieringe, en ’n interessante vegetariese gereg wat broodkrummels, macaroni, Marmite en grondboontjiebotter bevat.

Oh, en natuurlik gestoofde duiwe – ek is seker Tannie Ina het nie die vuil asblikduiwe van Kaapstad in gedagte gehad nie.

Botter afmeet tips!

Maar alle grappies op ’n stokkie – dis rêrig ’n ongelooflike boek. Dit kom uit ’n tyd waar kos mors nie ’n opsie was nie. Daar is selfs ’n hele hoofstuk vol slim idees vir oorskietkos.

My gunsteling? Definitief die klassieke kerrie-sosatie. Wie kan nou nee sê vir ’n kerkbasaar-sosatie? En die konfyt-afdeling is fassinerend – sy verduidelik selfs hoe om jou eie pektien te maak.

En het ek genoem dat sop nog met ’n “e” gespel word?

Die 16de uitgawe is ’n moet vir elke kombuis.

Moet ons nie dalk ’n resep probeer nie?

Dankie Tannie Ina

Marmite en grondboontjiebotter.